dati kaya ko pang magsulat ng masasayang akda…baket ngayon bigla na lang nawala
di nga ako mahilig gumawa ng tula…mas gusto ko ang mahahabang akda
pero sa paglipas ng panahon iba ang aking natutunan
maraming pangyayaring ako ang siyang tinuruan
kapag inlove ka kasi…romantika at palaging masaya
ang pagsulat ay naglalaman nang magagandang alaala
mga ngiti ay di mawala-wala
kasabay ng pagkinang ng mga mata
pero hindi naman palaging pasko
nabroken-hearted din ako
doon nagsimulang magsulat ng totoo
puro nga lang malulungkot ang laman nito
andun ung umiiyak ako habang nagsusulat
o kaya maraming papel ang nasayang at nagkalat
may oras na wala naman akong tigil
daig ko pa ang isang baliw
nagagawa kong magsulat nang may tapang
hawak ang papel at pluma lamang
pero hinahanap ko din ang pagsulat ng may lambing
yung pusong mababa, may lambot…di mapag-daing
sa lahat ng iyon na pinagdaanan
masaasabi kong ang pagsulat ko ay may laman
bukod sa mababasa meron din matututunan
dala ng masaya at malungkot na karanasan
at ngayon nga sa yugto ng aking buhay
sa aking pagsulat minsan ako’y matamlay
di ko na nga ramdam ung sigla ng pagsulat
pati lungkot di ko na rin mahagilap
